這一篇是關於細郁的。
細郁今年5月做了評估，結果係跟哥哥一樣有專注力不足/過度活躍症再加衝動性，去聯合排要排到2020年的1月..
你今年已經三年級，比起哥哥那時小一時已排到聯合見醫生遲了很多，預計你第一次去聯合時已五年班了...
我真是唔想你再錯過了讓你接受治療的黃金時期，所以我下定了心，安排了你昨天看私家醫生。
我當然不會預先跟你說你要去看醫生，費事你扭計兼問長問短的，但都如我所料，你都是嬲左我.. 嬲到我話買雪糕比你，你都話唔要，仲不斷說" 我都無病，做咩要睇醫生, 媽咪你先要睇醫生!"
(因為剛巧這天我還是感冒中，半條人命的決定唔改期，照帶細郁見醫生)
聽到細郁講" 我都無病, 做咩要睇醫生!?" ，我好傷心，這不是細郁的錯，這不是病，但真的需要找專家治療.....😢
我唔想你再怪責自己，無記性，成績差，欠交功課又令到操行差，去邊度補習都被其他家長投訴你騷擾同學，被投訴阻礙進度😭
如果治療對你是有好的幫助，我們一起試!
去到黎醫生的醫務所，細郁被黎醫生叫了入房，我就在外面坐著，完全聽不到他們的對話。
差不多20分鐘後，細郁出來，到我入房，醫生很詳細說明細郁的情況及引致這問題的可能原因，數據說明藥物治療+行為治療可事半功倍。
那就試試吧！
細郁也出奇地聽黎醫生的說話，唸口黃甘講出醫生叫佢唔好飲甘多汽水及食有色素既野。
暫時醫生開了可維持8小時的藥，加葉酸及魚油丸比細郁，十日後再覆診。
今天細郁第一天食藥，亦說沒有唔舒服，希望繼續好下去!💪💪
